Last Night in Orient

Por que llorax blanca nina,
Por que llorax blanca flor?

-Lloro por vos cavallero
Que vos vax y me dexax.

Me dexax nina y muchacha,
Chica y de poca edad.

Tengo ninos chiquiticos,
Lloran y demandan pan.

Si demandan al su padre,
Que repusta les vo a dar?

Metio la mano en su pecho,
Cien dovlones le fue a dar.

Esto para que m'abasta,
Para vino o para pan?

Si esto no vos abasta,
Ya tenex d'onde tomar.

Venderex vinas y campos,
De la parte de la mar.

Vos asperarex a los siete.
Si no, a los ocho vos cazax.

Tomarex un mancevico.
Que paresca tal y cual.

Que se vista las mis ropas,
Sin sudar y sin manchar.

Esto que sintiu su madre,
Maldicion le fue a echar.

"Todas las naves del mundo,
Vayan y bolten con pas.

Y la nave del mi hijo,
Vaya y no abolte jamas"

Paso tiempo y vino teimpo,
Descarino le fue a dar.

Asentada en la ventana,
La que da para la mar.

Vido venir navezica,
Navegando por la mar

Asi biva el Capitan
Que me diga la verdad.

Si veriax al mi hijo,
Al mi hijo caronal?

Ya lo vide al su hijo,
Al su hijo caronal.

Echado en aquellos campos,
La tierra tema por cama,
Y el cielo por cuvierta.

Tres buracos el tenia
Por el uno le entra el aire.
Por el otro le entra el sol.

Y por el mas chico de ellos,
Le entra sale el lunar.

Esto que sintio su madre,
A la mar se fue a echar.

No vos echex la mi madre.
Que yo so tu hijo caronal.

Ye se bezan y se abrasan.
Y se van a pasear.